10 කොටස..

ටිකක් ඉක්මනට යන්න හිතුවත් මම සෑහෙන්න වෙලා musical show එක දාල තිබුන නිසා අදත් වෙනදා වෙලාවටම තමා යන්න වෙන්නේ.. කොහොම කොහොම හරි ලැස්තිවෙලා තිලිනලහට ගියා.. 

කව්රුවත් පෙන්න හිටියේ නැති නිසා මම කෙලින්ම room එකට ගියා.. ගියේ නිකම් නෙමෙයි.. ඊයේ කරපු බලු වැඩේට හොඳ දෙකක් කියන්න හිතන් ඔරොප්පු mood එකකුත් දාගෙන තමා ගියේ..

ඒත් කොහේ කියන්නද.. මේකා පේන්නවත් නෑනේ.. ඇඳ යටත් බැලුවා.. ඒත් නෑ.. අයිත් room එකෙන් එලියට ඔලුව දාල බැලුවා.. ගෙදර මොකෙක්වත් නෑ වගේ.. 

'යකෝ මේ පත ගේ ඇරලා දාලා මුන් කොහේ මකබෑ උනාද..'

 පොඩි search පාරක් දාන්න හිතල මම පොඩ්ඩක් ගේ ඇතුලේ වටයක් ගැහුවා.. මොකෙක්වත් නෑ.. කුස්සියේ ඉඳලා පූසිවනම් හම්බුනා.. ඒත් ඉතින් උගෙන් මක්කා කියලා අහන්නද..

තව ටිකක් search කරන්න හිතලා මම ආපහු හැරුනා..එක සැරේටම මගේ ඔලුවට හොඳ ෂොට් එකක් වැදුනා.. මට නිකන් මක්කද උනා වගේ.. හොඳ වචන ටිකකුත් දිව අගට අරගෙන කව්ද කියලා බලන්න හැරුනා.. අපරාදේ කියන්න බෑ ඒ වචන ටික එහෙම්මම ගිලුනා..  මම ගල් උනා වගේ.. ටික වෙලාවක් බලාගෙනම හිටියා.. ඔලුවට වැදුන පාරත් අමතකයි.. ඒවා මතක තියේවිද එදා දැක්ක ලස්සන අයිත් දැක්කම.. එයා ඇස් දෙක ලොකු කරන් මගේ දිහා බලන් ඉන්නවා.. ( හිතාගන්න පුළුවන්නේ කව්ද කියලා..?)

"අ..අයියා.. මෙහේ..? ම..මම බය උනා හොඳටම.." බය වෙච්ච තරමට එයාට ගොතත් ගැහෙනවා..

"මමත් බය උනා හලෝ..  මොකද මට ගැහුවේ?"  අතේ තිබුනේ පොල්ලක්.. ඒක දැකල මට හීන් දාඩිය දැම්මා.. යකෝ මේකෙන් හරියට පාරක් වැදුනානම් කොල්ලට අවසන් ගමන් යන්න වෙනවනේ..

"නෑ.. මම හිතුවේ හොරෙක් කියලා.."  දැන්නම් එයාට හිනා.. 

"නියම මොලේ.. හොරෙක්ට ඔහොම ගැහුවොත් ගෙදර බඩු මුට්ටු තියා ඔයාවත් අපිට හොයාගන්න නැති වෙයි.. "

"ඒ කොහොමද?"

"ඇයි මෝඩියේ.. හොරෙක්ට ගැහුවම උන් ඔයාව ඉතුරු කරයිද?"

"ආහ්.. එහෙම වෙන්නේ නෑ.."

"හ්ම්ම්.. එහෙනම් කොච්චර දෙයක්ද.. මේ.. කෝ අයියා?"

"අයියා බාත්රූම් එකේ.. මම එන්න කියන්නද?"

"නෑ නෑ.. එපා.. ගෙදර වෙන කව්රුත් නෑ?"

"නෑනේ.."

කොල්ලගේ ඉහේ මලක් පිපුනා වගේ.. දැන්නම් හැමදේම අමතකයි..නංගට talk කරන්න නියම chance එක..මම එතන තිබුන පුටුවක් අරන් වාඩි උනා.. 

ඒත් මගේ වෙලාව හොඳ නෑ වගේ.. මගේ කරුමෙට එවෙලේම call එකක්.. answer නොකර ඉන්නත් බෑනේ.. කව්ද කියලා බලන්න මම phone එක අතට ගත්තා.. මම නම දැක්කේ නිකන් mission failed වගේ.. (call එක අයේශාගෙන්.. ) 

නංගා ඉස්සරහ කතා කරන්න මොකද්ද වගේ.. මම balcony  එකට ගිහින් phone එක answer කරා..