6 කොටස..

තිලිණ අකමැති නෑ වගේ තමයි. ඒත් දැන් කාලේ කෙල්ලෝ කොල්ලෝ යාලු වෙලා වෙන් වෙන හැටි දැක්කම මම කොහොමද මගේ Best friend ගේ නංගිට ට්‍රයි කරන්නේ.. කරුමෙටවත් අවුලක් උනොත් මට තිලිනයාගේ මූණ බලන්නත් බැරි වෙනවා. අනිත් එක අවුල් වෙනවට ඌ ත් කැමති වෙන්නේ නෑනේ.  ඒ නිසා මම නංගාව අමතක කරා.. වෙනදා වගේම පිස්සු කෙල කෙල යාළුවො එක්ක වල ගගහා කොහොම හරි Lectures වලටත් ගිහින් මගේ වැඩ ටික වෙනදා වගේම කර ගත්තා.. නංගාව මතක් උනත් ඒ මගේ ඉරණම්කාරී නෙමෙයි කියලා හිතලා අමතක කරා. කොහොම හරි හැමදේම යතා තත්වයට ආවා. වෙනදා වගේම දවස් ගෙවුනා.. දන්නෙම නැතුව සති ගානක් ගෙවිලා ගියා.. 

ඔය අතරේ මහා බබා ද කව්ද මන්දා අර පොතේ ලියලා තිබුන හැටියට කලට වෙලාවට මල්සරා ඇවිත් මම වෙනුවෙන් කෙල්ලෙක්ට විදලා ගිහින්.. මම දන්නෙවත් නෑ.. මගේ වලාවට කෙල්ලනම් පාර.. හොඳ දතක්.. 

****************

"මචං සහන්, උඹට  මේක දෙන්න කියලා අයේෂා කිව්වා.."

"කව්ද බං ඒ?"  ගුණයගේ අතේ තිබුන කොලේ ගන්න ගමන් මම ඇහුවා..

"අර බං අපි රොත්ත පිටින් පෙරන කෙල්ල.."

"අර කාර් එකක් තියෙන එකද?"

"ඔව් බං.. අනේ ඉක්මනට බලලා කියහන්කෝ මොනාද කියලා තියෙන්නේ කියලා.."

යකෝ මූට තියෙන හදිස්සියක්.. කොලේ දුන්නේ මට.. බලන්න හදිස්සි වෙන එකෙක්ට.. මම කොලේ සාක්කුවේ දාගත්තා..

"උඹට ඔච්චරම ඕන නම් උඹටත් එකක් ඉල්ලගන්න තිබුනනේ බලන්න.. මොකටද මගේ එක බලන්නේ.. පලයන්.. පෙන්නන්නේ නෑ.."

"උඹලනම් කළගුණ නොදත් එවුන් බං.."

"අනේ උඹ දන්න එකානේ.. පලයන්න.. " 

මම ඌට ඇද කරලා තිලිනයාව හොයන්න ගියා.. හැමතැනම හෙව්වත් මූ නෑ. බැලින්නම් මේකා ගහක් යටට වෙලා කෙල්ලෝ සෙට් එකක් එක්ක මුකුළු කරනවා..

"තිලිණ.." මාව දැක්කම උගේ මූණ දෙක වෙලා ගියා..

"පොඩ්ඩක් වරෙන්කො.."

"මොකෝ බං, පොඩි fun එකක්වත් ගන්න දෙන්නෑනේ උඹ.."

"අනේ මගුල.. මේ පොඩි සීන් එකක් බං.."

"මොකද්ද?"

"මචං අර සීදේවි ඉන්නේ.. ඒකි මට මොකද්ද එවලා බං.. මම තාම බැලුවේ නෑ.. ගුණයා  ගෙනත් දුන්නේ බං.. මගේ පරම්පරාව මතක් කරපු සෙනෙහෙ කොලයක්ද දන්නේ නෑ බං.. අර ඒකිගේ කාර් එකේ හුළං යවපු සීන් එක ඒකි දන්නවා කියලා මට මහේෂි කිව්වා බං.."

"ඉතිං යකෝ ඕක කියවලා බලාපිය. පරම්පරාව මතක් කරත් හොඳයි නේ බං.. සී... දේවි නේ.."

"අනේ යකෝ.. මේක මෙතන කියවලා නෝන්ඩි වෙන්න බෑ බං.. යමන්කෝ ගෙදර.."

"යමන් එහෙනම්.."

තිලිනයාගේ ගෙදරට යනකන් පොඩි විස්තරයක් කියන්නම්කෝකො.. සීදේවි (අයේෂා) කියන්නේ අපේ campus එකේ හිටිය සිරාම පාරවල් වලින් එකක්. සීදේවි කියලා කියන්නේ ඒ තරමටම පාරක් නිසා.. එයාගේ තාත්තා රටේ නම ගිය ව්‍යාපාරිකයෙක්. අපේ උන්නම් කියන්නේ ඒකිගේ වැඩකාරයොත් අපිට වඩා සල්ලිකාරයෝ වෙන්න ඇති කියලා.. ඉතිං හිතාගන්නකෝ තියෙන ධන ස්කන්ධයේ තරම.. මේකිටම කියලා කාර් එකකුත් තිබුනා..

අපි කොල්ලෝ සෙට් එක නිකන් ඉන්නකොට card ගහනවා.. පැරදුනාම අනිත්  උන් කියන මගෝඩි වැඩක් කරන්න ඕන.. මගේ වාසනාවටද අවාසනාවටද මන්දා මමයි තිලිනයයි දවසක් පැරදුනා.. අන්තිමට සාකච්චාවට බඳුන් කරලා ලැබුන අගනා වැඩේ තමයි සීදෙවිගේ කාර් එකේ හුළං යවන එක. ඉතිං තිලිනයා ඔත්තු බලද්දී මම තමා පොර වගේ ගිහින් හුළං යැව්වේ..