8 කොටස..

එදා දවස කොහොම හරි shape එකේ ගෙවාගත්තා.. ඊළඟ දවස් දෙකත් නිවාඩු නිසා අවුලක්නම් උනේ නෑ.. මේ දවස් ටිකේම ඒකි මම කියලා හිතලා තිලිණයට message කරනවා.. 

සඳුදා උදේ තිලිනලහට යනකොට 8.30 විතර වෙලා.. මූ තාමත් ලැස්ති වෙලා නෑනේ..  අදනම් යන්න ඕන කමක් නෑ වගේ.. කොහොමත් දැන් ඉතින් lectures යන්න වෙන්නේ නෑනේ.. ඒ නිසා මාත් ඌ එනකන් සීදේවි එවපු message කියෙව්වා.. කෙල්ලනම් අවුලක් නෑ වගේ.. ඒ උනත් ලං වෙන්නනම් බයයි.. ලොකු අතුනේ.. නැග්ගා වගේ නෙමෙයි අන්තිමට අත පයත් කඩාගෙන තම බිමට බහින්න වෙන්නේ..

"මචං, සීදේවි එළ බං.."

"ඒ මොකෝ උඹ එහෙම කියන්නේ?"

"බලපන් ඕවා කියවල.. සිරාවටම හොඳයි බං.."

"හ්ම්ම්ම්"

ඇත්ත තමයි.. කෙල්ලෙක් කොල්ලෙක් අතරේ මාරු වෙන විකාර message වගේ කිසිම දෙයක් ඒ message වල නෑ..

____________

අපි දෙන්නා කැම්පස් එකට යනකොට 9 විතර වෙලා..  canteen එකට ගිහින් රෝල් 2 යි plain tea එකයි ගහල ටික වෙලාවක් කොල්ලෝ සෙට් එකක් එක්ක කතාවක් දාගෙන හිටියා..  ටික වෙලාවකින් තිළිණට කෝල් එකක් ආවා..

"මචං, වරෙන්කො පොඩ්ඩක්.." කියලා තිලිනයා නැගිටලා එලියට ගියා.. ටික සීරියස් වගේ.. මාත් ඉතින් මොකද කියල බලන්න උගේ පස්සෙන්ම ගියා..

"මොකෝ බං?"

"යමන් අර ගහක් යටට.."

"මොකෝ මලක්වත් නෙලන්න ඉන්නවද ඒ පැත්තේ?"

"නෑ බං.. යමන්කෝ.. උඹට කියන්න දෙයක් තියෙනවා.."

"හ්ම්ම්.. යමන්.." දෙන්නම ගිහින් ගහක් යට වාඩි උනා..

"මේකයි මචං.. මම තව ටිකකින් කොටුවට යනවා.. පොඩි වැඩකට.. උඹත් එක්ක යන්න තමයි හිටියේ.. ඒත් උඹව එක්කන් යන්න විදියක් නෑ බං.. "

"ඒ මොකෝ? උඹ මොකටද කොටුවේ යන්නේ?"

"ඒවා කියන්න දැන් වෙලාවක් නෑ බං.. Sorry මචෝ.. උඹව තියලා යන්නේ අන්න අරයට උඹත් එක්ක කතා කරන්න ඕන කිව්වා නිසා.." අම්මට උඩු.. අයේෂා.. මට නිකන්ම තිලින දිහා බැලුනා.. මූව මරාගෙන මැරෙන්න පුළුවන් මූනේ තියෙන කුණු හිනාව දැක්කම..

"මොකද්ද **** කරන්නේ?"  මට මලෙත් මළ..

"Don't worry බං.. Talk කරලා බලපන්... මම කැපුනා.."

"යකෝ.. තෝ ඔහොමද මට කරන්නේ?"

"බය වෙන්නෙපා බබා.."

"රෙද්ද තමයි.. උඹ එන්න කිව්වනම් උඹම කතා කරගනින්.. මම යනවා.." මම බංකුවෙන් නැගිට්ටා..

"සහන්" මගේ උගුර කට වේලිලා ගියා.. එයා ළඟටම ඇවිල්ලා.. මම යන්තම් හිනාවක් දැම්මා..

"ඔයා යන්නද හදන්නේ?"

"නෑ නෑ... සහන් නෙමෙයි.. මම යන්නේ.. සහන්ට ඔයා එක්ක කතා කරන්න ඔනලුනේ.. ඒ නිසා මම තනියම කැපෙනවා.." මම ඔව් කියන්න හදනකොටම තිලිනයා පැනල කිව්වා.. අනේ අම්මපා මුගේ කටට හෙන 7 ක් ගහලත් මදි..

"ඕන් එහෙනම් අපි කැපුනා.."  තිලිනයා මට ඇහැක් ගහලා මාරු උනා..

කෙල්ලෙක් ඉස්සරහා නෝන්ඩි වෙන්නත් බැරි නිසා මම හිතට ගටක් අරන් හිටපු තැනින්ම වාඩි උනා වෙන දෙයක් වෙද්දෙන් කියලා..